Friday, April 3, 2009

എന്‍റെ ആത്മഹത്യ

സ്വപ്നാന്ത്യത്തില്‍
ഞാനുണര്‍ന്നു വീണത്‌
രാത്രിയുടെ,
കൂരിരുള്‍ മടിത്തട്ടിലേക്ക്.
യാഥാര്‍ത്ഥ്യത്തിന്‍റെ സ്പര്‍ശങ്ങളാല്‍
ഞാന്‍ ദു:ഖത്തിന്‍റെ ഒരു തുരുത്ത് പോലെ,
അശാന്തിയുടെ ഉഷ്ണബീജങ്ങളാല്‍
വെന്തു പരിക്ഷീണിതനായി
തണുപ്പിന്‍റെ നനുത്ത സ്പര്‍ശങ്ങള്‍ക്ക്
കൊതിച്ച്, ആശയറ്റവനെ പോലെ...
എന്‍റെ പാദങ്ങള്‍ ആഗ്രഹിച്ചത്‌,യാത്രകള്‍...
ചൂടിന്‍റെ വരള്‍ച്ചയില്‍ നിന്ന്,
തണുപ്പിന്‍റെ നീരുറവകളിലേക്ക്.
അശാന്തിയില്‍ നിന്നു നിത്യശാന്തിയിലേക്ക് .
ഒടുവില്‍, അവ എന്നെ നയിച്ചപ്പോള്‍
ഞാന്‍ അറിഞ്ഞത്,
സാക്ഷത്കാരങ്ങളുടെ നൊമ്പരം.
ഇപ്പോഴെന്‍റെ
പാദങ്ങളില്‍
നനവിന്‍റെ നനുത്ത സ്പര്‍ശം.
ഞാനറിയുന്നത്,
നിലാവലിഞ്ഞ നദീജലത്തിന്‍റെ തണുപ്പ്.
നനവിന്‍റെ ആലിംഗനം പൂര്‍ണതയില്‍ എത്തിയപ്പോള്‍
ഞാനറിഞ്ഞു, ഇത് എന്‍റെയും പൂര്‍ണത.
മനസിന്‍റെ ഉഷ്ണതകളില്‍ നിന്നു
മരണത്തിന്‍റെ നിത്യ ശാന്തിയിലേക്ക്...

No comments:

Post a Comment